15
Пт, Ліс

Экскурсія ў музей: дасягненні краіны - яе гісторыя i аснова для гонару

Напярэдадні Дня Канстытуцыі курсанты 2 «А» курса факультэта міліцыі наведалі Музей сучаснай беларускай дзяржаўнасці.

У гэтым багатым сховішчы дасягненняў нашай краіны курсанты ўбачылі макеты самых вядомых архітэктурных будынкаў, што размешчаны на тэрыторыі Беларусі, пазнаёміліся з гісторыяй інстытута прэзідэнцтва, пранікліся гонарам за нацыянальных герояў.

Музей акцэнтуе ўвагу на жыцці краіны з моманту яе станаўлення як суверэннай рэспублікі. Наведвальнікі знаёмяцца з палітычным, эканамічным, навуковым жыццём Беларусі, дасягненнямі ў культуры і спорце.

Курсант 2 «А» курса факультэта міліцыі радавы міліцыі Мікалай Семянюк:

- Адчуваю гонар за дасягненні нашай краіны. Музей дазволіў нам убачыць гісторыю Рэспублікі Беларусь ад першых прэзідэнцкіх выбараў да сучасных навуковых адкрыццяў у розных галінах. Ад асобы аднакурснікаў выказваю падзяку нашаму кіраўніцтву за экскурсію.

Для даведкі:

Музей сучаснай беларускай дзяржаўнасці - адзін з самых маладых і тэхналагічных музеяў у краіне. Ён уваходзіць у структуру Нацыянальнага гістарычнага музея Рэспублікі Беларусь і з'яўляецца важнай інфармацыйным, прэзэнтатыўным і камунікацыйным цэнтрам краіны.

Экспазіцыя музея адкрыта для наведвальнікаў са жніўня 2012 года. Яна ахоплівае перыяд сучаснай гісторыі Рэспублікі Беларусь і прысвечана палітычнаму, эканамічнаму, навуковаму, культурнаму і спартыўнаму жыцці краіны. Фонд музея складае каля 4 тыс. адзінак, 800 з якіх прадстаўлены ў экспазіцыi.

Адрас музея: 220030, г.Минск, вул. К.Маркса, 38 (пад'езд № 4, уваход з вул. Кірава).


По матэрыялам сайта msbd.histmuseum.by
Данііл Гаравы, 2 «А» курс.
Фото аўтара

Навіны