19
Нд , Май

Урачысты рытуал уручэння афіцэрскіх пагонаў

Напярэдадні ўрачыстага рытуалу выпуску афіцэраў акадэміі на факультэтах адбылося ўручэнне лейтэнанцкіх пагонаў і нагрудных знакаў аб заканчэнні УВА.

Так, раніцай, 28 чэрвеня, на факультэце міліцыі маладым праваахоўнікам былі ўручаны афіцэрскія пагоны і нагрудныя знакі Акадэміі МУС. У мерапрыемстве прынялі ўдзел кіраўнікі факультэта і курсаў, прадстаўнікі Дэпартамента фінансавых расследаванняў Камітэта дзяржаўнага кантролю.

Па традыцыі ўрачысты рытуал пачаўся з ўзняцця Дзяржаўнага сцяга Рэспублікі Беларусь - выканаць місію даверылі выдатнікам вучобы Андрэю Іванову і Надзеі Каспяровіч.

Вітаючы новаспечаных лейтэнантаў, начальнік факультэта палкоўнік міліцыі Дзмітрый Ханцэвіч пажадаў ім поспехаў у будучай службе, а галоўнае, з гонарам і годнасцю несці званне афіцэра-выпускніка Акадэміі МУС. Затым былі абвешчаны загады аб прысваенні першых афіцэрскіх званняў.

Курсант 1 «В» курса Яўген Каросцік ад асобы ўсяго моладзевага калектыву, у якой наперадзе яшчэ ні адзін семестр, павіншаваў віноўнікаў урачыстасці са значнай падзеяй у іх жыцці. У сваю чаргу са словамі пажадання малодшым таварышам выступіў выпускнік Аляксандр Самак, таксама які выказаў падзяку кіраўніцтву і супрацоўнікам факультэта.

Святочнае мерапрыемства завяршылася праходжаннем урачыстым маршам, які сімвалізуе развітанне з факультэтам.


Юрый Чыжонкаў, 3 «В» курс.
Фота Сяргея Казакова, 2 «А» курс,
Івана Якаўлева, 1 «А» курс

Навіны